想著汝卡早對阮講的話
汝教阮愛認真讀冊才會有出脫
阮常常嘛是將汝的話放置心肝底
想著汝卡早對阮講過的話
汝教阮要認真吃飯才會敖大漢
阮常常嘛是將汝的話放置心肝底
出門在外、汝教阮著愛穿卡厚、嘸通受風寒
做人做事、常常嘛都是汝給阮牽教
阿嬤的話阮都嘛有塊聽
梵音聲曉、筑音入耳
佛號圍繞、香煙裊裊
阿嬤的話也猶原在耳邊響起
但是阿嬤這陣汝置叨位?
汝甘有聽見憨孫置咧叫汝?
秋風吹啊吹 吹起思情棉啊棉
小雨落啊落 落甲心頭愁啊愁
如今以後、這塊大埕再也看不見阿嬤汝的形影
如今以後、灶腳嘛無阿嬤煮飯的炊煙
借得蓮花一座座 願汝踩置蓮花往極樂
聽得佛音一陣陣 願汝伴隨佛音往西方
阮欲以感恩的心情向汝告別
有阿嬤汝百年的辛苦才有今天的阮
感恩阿嬤汝賜予阮這麼多
這個時候阿嬤汝甘有咧聽
聽阮這群憨孫置咧叫你 ~ ~ 阿嬤
